Бел чурраси бугунги кунда жуда кўп учрайдиган умуртқа муаммоларидан биридир. Мутахассис сифатида шуни таъкидламоқчиманки, ҳар бир бел чуррасини ҳам жарроҳлик йўли билан даволаш шарт эмас.
Ҳозирги кунда замонавий тиббиётда операциясиз (кам инвазив) даволаш усуллари шунчалик ривожланганки, беморлар жарроҳлик столига ётмасдан ҳам бемалол кундалик ҳаётига қайтишлари мумкин.
Қачон операция керак?
• Шошилинч ҳолатлар: Агар беморда пешоб ёки нажас тута олмаслик каби муаммолар кузатилса, ёхуд оёқларда жиддий кучсизлик (фалаж хавфи) юзага келса, операция қилиш шарт.
• Бундай хавфли аломатлар бўлмаса, дарҳол пичоқ остига ётиш шарт эмас.
Операциясиз муолажалар ҳақида Бизнинг клиникада беморларни ҳар томонлама текшириб, уларга мос келадиган даволаш усулини танлаймиз. Физикотерапия ва дори-дармонлар фойда бермаган ҳолларда, «нуқтали инексия» (эпидурал инексия) деб аталадиган усул жуда яхши натижалар беради.
«Нуқтали инексия» нима? Бу усул халқ орасида «бел чуррасига қарши укол» деб ҳам аталади. У айниқса оёқ-қўлида кучсизлик бўлмаган, аммо белида жуда кучли оғриқ сезадиган беморларда жуда самарали.
Клиник мисол: Клиникамизга келган бир беморимизни эслайман. Унинг умуртқа поғонасидаги Л4-Л5 қисмида жиддий ўзгаришлар ва чурра бор эди, бу асаб йўлларининг қисилишига олиб келганди. Энг муҳими, беморда оёқда кучсизлик йўқ эди, фақат белида чидаб бўлмас оғриқ бор эди. У олдин дори ва физиотерапия олган, аммо фойда бўлмаган.
Биз унга «нуқтали инексия» (эпидурал энжексиён) усулини қўлладик. Беморимиз операциясиз жуда катта енгиллик топди ва соғлиғи сезиларли даражада яхшиланди.
Хулоса: Агар белингизда оғриқ бўлса, дарҳол операциядан чўчиманг. Мутахассис кўригидан ўтиб, операциясиз даволаш имкониятларини синаб кўриш ҳар доим биринчи ўринда туриши керак. Замонавий усуллар кўплаб беморларимизга ёрдам бермоқда.
Файзуллахон Нематуллаевич Шукуров Ортопед-травматолог ва вертебролог
